Assim, Rairiz de Veiga, Casas da Veiga, Trasmiras, As Pegas, Polígono, Boado e o Sam Vitoiro medirom as suas forças desde as 10h30 da manha até as 14h00 nos 4000 metros, os 100 metros lisos, o salto de longitude e o lançamento de sacho, tanto na sua categoria masculina como feminina, colocando à cabeça do podium aos de Boado e Rairiz de Veiga que impunham a sua hegemonia nas provas de atletismo e nas provas individuais.

Pola tarde, porém, as possibilidades dos restantes participantes começam a abrir-se com as provas por equipas, nesta ocasiom, foram o tiro com fisga, a chave, o tiro de corda, a luita galega, carreira por relevos e o voilei. Os pontos ao longo da tarde iam-se repartindo para Casas da Veiga ou Trasmiras que vam remontando posiçons e lutaram polos postos de prémios, sem finalmente consegui-lo.

Como era de esperar forom as provas de luita galega, o tiro de corda ou o volei as que mais expetaçom levantarom, e mesmo um nutrido público que desfrutou do espectaculo de desporto galego e popular que da Aguilhoar puxemos em andamento.

Para por-lhe fim à jornada, no centro social Aguilhoar houvo umha ceia e foliada com importante presença das equipas participantes que de forma animada arrancaram em rondalha polas ruas dos vinhos de Ginzo até a Sala Clan, onde se ia realizar o concerto de feche, com a actuaçom do Leo Arremocaghona .

Alí forom entregados os aguardados trofeus aos ganhadores, que finalmente foram, em primeiro lugar, Rairiz de Veiga que levou um xamom, umha garrafa de licor-café e umha taça, o segundo posto foi para os de Boado, que levarom um lacom, uns chouriços, umha garrafa de licor-café e umha taça, e o terceiro posto, para As Pegas, que levarom uns chouriços, umha garrafa de licor-café e umha última taça.

Da Aguilhoar querem agradecer a todos os que colaboraram desinteressadamente com esta jornada assim como a participaçom de todas as equipas.