Precárias é umha experimento de criaçom colectiva, com textos próprios e alheos que fazem-nos reflectir sobre as múltiplas situaçons que podemos entender como precárias que estam a nossa volta. Algo mais abrangente que o puramente material: a precarizaçom do pensamento, dos sonhos, das identidades, das emoçons...

A entrada é gratuita e está dirigida polo dramaturgo Zé Paredes.

O grupo de teatro amateur do CS O Pichel foi criado este curso e esta peça é o resultado de vários meses de aulas formativas.

A Gentalha do Pichel é umha associaçom cultural que desde hai nove anos vem dinamizando a vida social e cultural da cidade compostelana oferecendo e reivindicando um lacer alternativo e em galego. Entre os diferentes propósitos deste colectivo está o de ensinar, difundir e desfrutar da cultura galega assi como o de fomentar o conhecimento de novas produçons culturais da Galiza em particular e da Lusofonia em geral.

Para mais informaçom podedes visitar o nosso blogue gentalha.org ou visitar o centro social, de segunda a sexta de 18h00 a 23h00 e os sábados de 19h00 a 01h00.