Un concerto de Ataque Escampe, Das Kapital e A Maginfique Bande dos Homes sen Medo servirá, este sábado a partir das dez da noite na Sala Capitol de Santiago, como presentación pública de Discos da Máquina. O novo selo, autoxestionado polos membros dos tres grupos, nace con vocación de que tres cheguen a onde non chega un. E de medrar, se as forzas dos elementos son favorábeis.
Noites de agosto con Ataque Escampe, a máis recente gravación da banda compostelá, inaugura o catálogo de Discos da Máquina. Con el, volven o seu ollar irónico cara ao universo da verbena e, con estrambóticos vimbios –krautrock, bolero, cumbia, calipso- procuran recuperar o espírito das orquestras populares. Xunto a eles, de momento pero sen intención de exclusividade, forman nas fileiras de Da Máquina a brass band do país A Magnifique Bande e o grupo de electrónica agit prop Das Kapital.
Concerto na Sala Capitol, sábado 22 de decembro, 22.00 horas
A Magnifique Bande dos Homes sen Medo
Das Kapital
Ataque Escampe
5 euros, á venda en A Reixa Tenda e Discos Miranda
reserva de entradas en discosdamaquina@discosdamaquina.com
Foto: Discos da Máquina