Queremos chamar a atençom com o que acontece com a Escola de Música de Salvaterra. Sem nengumha dúvida é um projeto interessante em quanto a educativo e beneficioso para crianças e adult@s. Um projeto que aplaudiriamos e apoiariamos de nom observar como nom só nasceu com umha diretiva "a dedo" senom que em poucos anos puidemos ver como se foi convertido numha pseudo-empresa inserida na rede caciquista de interesses de Arturo Grandal e PP local.
A associaçom gestora da Escola de Música vai receber neste curso político um total de 42.000euros para levar avante a continuaçom do projeto, assim como o da Banda de música que receberá máis 6000. Seria normal pensar, que destinada tal quantidade de dinheiro, o custo para quem tenha interesse diminuiria ou que qualquer criança, com baixa renda familiar, poderia formar-se na música. Mas a realidade é outra, pois ao tratar-se de um organismo privado quem gire ambos projetos, e nom ser umha subençom nem bolsa com um fim determindado, nom há menira de que maes e pais, ou qualquer pessoa interessada acceda as contas ou inverssom desses dinheiro público.
Tendo em conta que as instalaçons som municipais polo que nom se paga aluguer, que a banda cobra por atuaçom... quais som os motivos polos que o Concelho determina tal quantidade? Eis que por isso exigimos ao Concelho de Salvaterra apresente públicamente as contas e o destino desse dinheiro, o por e o para qué.
De Nós-Unidade Popular sabemos da importáncia da educaçom. E porque defendemos e luitamos polo direito a educaçom de qualidade e gratuita, instamos ao Concelho de Salvaterra á criaçom de umha Escola Municipal de Música.
Nom só é possivel, tendo em conta que já no municipio se conta com instalaçons, com material básico e com umha quantidade elevada de dinheiro público destinado com anterioridade a um projeto similar. Senom que como organismo público poderia facilitar o acceso a todas as pessoas, for qual for a sua renda familiar, assim como incorporar muitas melhoras, como no caso de outras escolas municipais:
- Desenrolo e incorporaçom de novas modalidades, segundo necessidades e demandas.
- Ajuda em material como aulas de ensaio com instrumentos comuns.
- Bolsas de estudo para facilitar a entrada e o mantimento na mesma.
- Formaçom adicional e convalidaçons para poder continuar estudos superiores.