Neste caso a última longametraxe do director Ignacio Vilar, que competía na sección de longametraxes internacionais, recibiu a pasada noite o Galardón á Excelencia no Festival de Cine Internacional para a Paz, a Inspiración e a Igualdade na Cerimonia de entrega de premios celebrada onte no Blitzmegaplex cinema, Grand Indonesia, Jakarta (Indonesia)

VILAMOR está inspirada nos feitos reais acaecidos nos anos 70 na montaña lucense; onde, fiel reflexo dos cambios políticos e sociais dunha etapa histórica controvertida en España, instáurase unha comuna como modelo alternativo que defende efectivamente valores como o respecto polo medio ambiente, a paz, a liberdade e a igualdade de sexos, entre outros.

Logo dos galardóns obtidos recentemente por VILAMOR á Mellor Banda Sonora e Mellor Fotografía no marco do New York City International Film Festival, a produtora Vía Láctea Filmes insiste na importancia do cinema como ferramenta indiscutible para acadar o recoñecemento que a nosa cultura e a nosa xeografía merecen tanto dentro como fóra das nosas fronteiras.

Máis información: www.vilamor.eu

Publicación oficial do galardón: http://www.internationalfilmfestivals.org/winners.htm