O Festival Irmandinho é um projecto que nasceu em 1980 como resposta à necessidade de projeçom como povo com história própria, como herdeiros de uns galegos e galegas que, aló polo século XV, se rebelárom contra o poder estabelecido, contra uma situaçom social de opresión, abuso e miséria, acabando na que possivelmente foi a maior revolta europeia de todo o século XV: a Grande Revolta Irmandinha.
À vez, um dos objetivos do Festival era conseguir que o castelo de Moeche nom se deteriorasse mais e se mantivesse como símbolo local e da História Galega.
Nesses mais de 30 anos de história foram muitas as pessoas e entidades que participárom e colaborárom com a organizaçom do festival, que conseguiu continuar avante, apesar das muitas dificuldades económicas pelas que passou, e se convertiu num importante marco de promoçom da cultura galega nos seus diversos ámbitos
A manifestaçom artística própria do Festival Irmandinho é a música folk, que nos anos 80 era um dos símbolos reivindicativos da Galiza. Mas também houvo e há espaço para outras artes: teatro, artesanato, etnografia, pintura, música coral, desenho (concurso de cartazes), investigaçom (Prémio de Investigaçom Histórica)...
Mas sem dúvida, o mais caraterístico deste evento é o assalto ao castelo que, numha interrupçom dos concertos, acontece a cada ano na meia noite do sábado. As e os assistentes ao Festival percorrem na escuridade os centos de metros que separam o palco de concertos do castelo, onde berram contra os Andrade -a família sob cujo domínio estava a comarca- e polo poder popular.
Cartaz da XXXIII ediçom do Festival
Sexta 17 de agosto
- Representaçom da obra “Comendo pimentos de Padrom con Tarantino” da mao da companhia “Carrachanacacha” no interior do Castelo de Moeche (hora prevista de começo às 20:30 horas)
- Repichoca popular no campo do Melhe
Sábado 18 de agosto
- Exposiçom da obra do artista ferrolám Braxe no museu do Castelo de Moeche
- Durante todo o dia exposiçons de artesania no castelo e redondezas
- Jogos populares (tiro de corda, corridas de sacos e zancos, tronzadura,…) e atividades para os nenos durante a tarde
- A partir das 22:00 horas concertos da mao de:
-No Cómbaro
-Berros do Castro
-Fred Morrison&Matheu Watson (Escócia)
-Pablo Seoane Grupo
-Alén de Ancos
- à meia noite leitura do pregom da mao do ator e apresentador Xosé Barato e Assalto ao Castelo para rememorar as Revoltas Irmandinhas.
Foto do Diário Liberdade - Assalto ao Castelo no Festival Irmandinho de 2010.
