O goberno español de xeito unilateral, atendendo só a intereses económicos e especulativos e contra a vontade xeral de veciñas das vilas e aldeas afectadas así como contra os estudos de diversos colectivos e organizacións ecoloxistas, escúdase nun estudo propio de impacto ambiental favorábel que non ten en conta a agresión que a infraestrutura supón a unha zona de alto valor natural.
Desde Isca! apoiamos as reivindicacións dos colectivos veciñais que están a denunciar esta barbarie, nomeadamente a plataforma “Non A-76 na Ribeira Sacra” e denunciamos, como veu facendo o nacionalismo desde sempre, a planificación das infraestruturas de xeito lesivo e contrario aos nosos intereses como Pobo, perxudicando a nosa economía e medio natural.
Defendamos a terra contra as navalladas!