A Plataforma, en colaboración cos concellos de Carballo e Laxe, ten previstas as seguintes conferencias:
O 12 de Decembro ás 20 h. no Pazo da Cultura de Carballo, Carlos Taibo (profesor da Universidade Autónoma de Madrid) falará sobre " Decrecemento, consumo e enerxía"
O 13 de Decembro ás 20.30 h. no Salón de Actos Municipais de Laxe, Emilio Menéndez (enxeñeiro de minas e profesor da UAM) e Carlos Taibo (profesor da Universidade Autónoma de Madrid) debatirán acerca de "Petróleo: Poder, Economía e Medio Ambiente"
Estas conferencias pretenden analizar a problemática derivada do proxecto de mina de Corcoesto baixo unha perspectiva diferente.
Na primeira delas (Carballo) enfróntase á clásica visión consumista das sociedades capitalistas actuais baseada na produtividade, a competitividade, o consumo desenfreado de bens carentes de utilidade obxectiva (o ouro) e o crecemento sen fin. A esta visión oponse a teoría do decrecemento, a necesidade de sermos conscientes de que os recursos deste planeta son limitados, que a este ritmo de consumo esgotaranse máis pronto do que imaxinamos (en concreto, as enerxías).
Na segunda delas (Laxe) amáis de insistir no mencionado anteriormente farase una analise das interrelacións entre o poder (político, económico, ideolóxico, entre outros) a economía e o medio ambiente.
Corcoesto 10 de Decembro de 2013