A Mesa ficou conformada por umha decena de vizinhos e vizinhas que fam parte de setores mui variados. Profissionais autónomos, trabalhadores por conta alheia, da saúde pública e dos serviços sociais e pessoas desempregadas unírom-se com um objetivo comum e a ideia de fomentar a incidência popular em oposiçom às touradas.

A criaçom deste coletivo visa cobrir o vazio existente a respeito da participación cidadá á hora de decidir sobre certos aspetos de gestom na Corunha, e ao feito de que as demandas realizadas por outras organizaçons sobre a possibilidade de convocar um referendo ao redor do pagamento de subsídios a empresas que organizam festejos taurinos caerám no esquecimento, apesar do apoio de grupos políticos da oposiçom.

O coletivo também tem o intuito abrir as assembleias a outros coletivos culturais, estudantis, vizinhais e sociais, na reivindicaçom comum de umha cidade que nom financie com dinheiro público umha atividade violenta com os animais.