O Colectivo quere deixar constancia das irregularidades que se veñen cometendo neste espazo natural, ao lado deste encóntrase a FIMO, baixo responsabilidade do Consorcio Pro-Feiras e Exposicións de Ferrol, e do propio Concello, este recinto dispón dun punto limpo a escasos 15 metros da canle do río, co conseguinte risco que entraña, pero o máis grave é o vertedoiro incontrolado que teñen no interior do recinto, e outro que utilizaban indiscriminadamente na mesma canle do río, moitos dos residuos atopados pertencen ás prácticas do carné de conducir, conos, fitas plásticas, etc.
Comunicaron e instaron a todas as entidades ecoloxistas de Ferrol a que tomen nota e procedan a efectuar as correspondentes denuncias se houbese lugar a elo.
Cabalgata dos Reis 'Vagos'
Tamén onte en Ferrol, realizaron o Flashmob que parodiou os 16 meses de goberno do Partido Popular no Concello de Ferrol. 16 Meses nefastos, e cheos de inoperatividade por parte do goberno de Rey Varela, non arranxan as fochas nin beirarrúas, non coidan o patrimonio histórico, nin realizan mantemento dos espazos públicos da cidade, pero proxectan obras millonarias e sen sentido, como a da Praza de España, na que pretenden facer unha zona verde por valor de 916.000 euros. Tamén teñen prevista outra obra no Parque Municipal por valor de 450.000 euros.
O montante total deste despilfarro equivale a: 1.366.000 euros (227.283.276 das antigas pesetas)
Coa que está a caer, co padecemento de familias, desafiuzamentos, colas nos comedores sociais, e con máis de 20.000 desempregad@s na bisbarra, e o PP de Ferrol tira polo desaugadoiro un diñeiro imprescindible para paliar estas situacións. Queremos que ese diñeiro se destine á contratación de desempregad@s en contratos de media xornada, e en función da carga familiar ou precariedade que poidan estar a pasar.
Organizaron e colaboraron: Acción Directa de Recuperación de Espazos Públicos, Plataforma contra o Malgasto e a Asociación Veciñal de Esteiro.
Foto: