- A CORUÑA: 18:00 à 20:00
- CANGAS: 18:00 à 20:00
- CARBALLIÑO – Praza Maior: 12:00 à 14:00
- COMPOSTELA – Praza do Toural: 18:30 à 20:30
- LALÍN – Rúa Rosalía de Castro: 19:30 à 21:30
- LUGO – Praza Maior:11:00 à 13:30
- OURENSE – Rúa do Paseo (antiga Ibense): 18:00 à 20:00
- PONTEVEDRA – Peregrina: 18:00 à 20:00
- REDONDELA: 18:00 à 20:00
- SILLEDA –: 18:00 à 20:00
- VIGO – Rúa do Príncipe (Museo do Marco): 18:00 à 20:00
En relación ao anuncio oficial por parte da Xunta de Galicia no que se renuncia oficial e definitivamente á construción dunha nova incineradora para Galicia queremos manifestar o seguinte:
1º - A nosa satisfacción absoluta por tal feito; é un feito no que temos tido unha influencia probablemente decisiva e que reafirma que a vontade das persoas manifestada por medio de asociacións é “capital”.
2º - Que a Xunta desista da construción da SOGAMA DO SUR, mesmo incumprindo o seu propio Plan de Xestión de Residuos, e anuncie a ampliación das instalacións xa existentes en CERCEDA confirma a idea de que dende o Partido Popular SE INSISTE NO MODELO DE XESTIÓN DE RESIDUOS EXISTENTE e polo tanto o noso traballo só cumpriu ata agora o 50% dos nosos obxectivos.
3º - Dende a Comisión Promotora da ILP proseguiremos coa CAMPAÑA DE INFORMACIÓN Á CIDADANÍA E RECOLLIDA DE SINATURAS ata lograr o máximo de apoios posibles alén do número necesario de 15000 imprescindibles que se precisa. A próxima acción será a xa anunciada nesta nota.
4º - Na campaña de recompilación de información das propostas das principais forzas políticas que se presentan ás eleccións do 21-O a situación é a seguinte:
Tanto PSdeG – PSOE como BNG téñense manifestado explicitamente sobre este tema en apoio do espírito que defende a ILP PARA A APLICACIÓN EFECTIVA DOS TRES “Rs”, o BNG mediante a inclusión ao respecto dun apartado no seu programa electoral e o PSdeG – PSOE co compromiso asinado publicamente polo candidato “Pachi” Vázquez o día 22 en o Irixo nun acto público.
Por outra banda, estamos á espera de que o PP manifeste que é o que propón sobre a xestión dos residuos en Galicia: se aposta por un camiño igual ou semellante ao reflectido pola ILP ou insiste en manter un modelo esgotado, no que prime o interese económico por enriba da saúde das persoas e o medio ambiente, tal e como reflicte o modelo actual.
Foto: INDN