Os filmes projetados som produçons atuais que focam desde umha perspetiva crítica o consumo, as agressons ambientais ou a construçom de alternativas desde os movimentos sociais.

O ciclo começou ontem, dia 10, com a projeçom de «Homenagem a Catalunya II», documental sobre os projetos que estám a desenvolver em Catalunya com base numha economia solidária, sustentável e descentralizada.

Dia 17 terá lugar umha sessom dedicada à permacultura com o visionado de «Umha granja para o futuro» e «O jardim de Emilia Hazelip».

O ciclo continua duas semanas depois com a curta sobre o esgotamento dos combustíveis fósseis «300 anos de combustíveis fósseis em 300 segundos» e o documental galego sobre a luita vizinhal contra os encoros «Resistência ao encoro do Úmia».

O dia 7 de agosto terá lugar a última sessom protagonizada pola procura de alternativas no consumo alimentário com «Soluçons locais para umha desordem global».

No comunicado enviado ao Diário Liberdade, os coletivos organizadores explicam que a atividade insere-se dentro da campanha reivindicativa «A rua é nossa» desenhada polo tecido associativo de Compostela contra a ordenança municipal que pretende restringir o uso do espaço público nesta cidade.

Programa

-10 de julho: «Homenagem a Catalunya II» (Joana Conill, Manuel Castells e Àlex Ruiz; Països Catalans, 2010, 63')
-17 de julho: «Umha granja para o futuro» (Rebecca Hosking; Reino Unido, 2009; 48') & «O jardim de Emilia Hazelip» (Emilia Hazelip; França, 1995, 30')
-31 de julho: «300 anos de combustíveis fósseis em 300 segundos» (Post Carbon Institute; Estados Unidos, 2011, 6') & «Resistência ao encoro do Úmia» (Santi Martínez e César Caramés ; Galiza, 2012, 41')
-7 de agosto: «Soluçons locais para umha desordem global»(Coline Serreau; França, 2010, 95')

Foto: Proyecto Cassandra - Rebecca Hosking, diretora do próximo filme do ciclo ("Umha granja para o futuro")