Nesta actividade, coordenada pola Associaçom para a Defesa Ecológica da Galiza, ADEGA, participárom mais de 20 entidades de todo o País, entre as que se encontravam distintos coletivos da Marinha.

 

O Buril, coincidindo com esta data, realizou a limpeza do coído do Perdouro, devido ao alto interesse que tem este espaço polo seu valor natural, geológico e paisagístico. No total apanhárom-se por volta de 200 kg. em só 3 horas, dos quais a maior parte eram produtos plásticos. A limpeza foi realizada de jeito manual e seletivo, sem a utilizaçom de maquinaria pesada e tendo especial zelo com a fauna e a flora existentes, seguindo em todo o momento um protocolo de atuaçom facilitado pola ADEGA.

Ainda que já tínhamos a suspeita de que havia umha grande quantidade de lixo, ficamos realmente surpres@s com o estado deste espaço natural, que se tornou num autêntica lixeira ao que vam chegando todo o tipo de resíduos. Também temos que lamentar que nom nos foi possível retirar todo o lixo existente devido à sua quantidade e ao difícil acesso que apresenta esta zona. Calculamos que só no Perdouro ficam aproximadamente 10 vezes mais a quantidade do lixo retirado, sem contarmos outros espaços próximos como o Cantinho ou o Berbês. Lamentamos o penoso estado em que se acha o nosso mar e a nossa costa e aguardamos que os principais agentes contaminantes e a sociedade em geral tome consciência da gravidade do problema, ao tempo que demandamos que as autoridades competentes tomem as medidas precisas para manterem limpas as nossas costas.