A marcha começou na Silvouta, junto ao colégio Junior’s ligado à seita Opus Dei. Ali o guía explicou que a depuradora atual é insuficiente para tratar as águas residuais da cidade, sendo esta umha das causas da grave degradaçom do leito do Sar, que comprovamos in situ (águas fedorentas e poluídas, plásticos, et cetera.). A insuficiência da instalaçom deu pé ao governo local a procurar umha nova localizaçom, que deveria resolver-se em prazos limitados para evitar a perda dos fundos (38 milhons) que a UE destina a este tipo de infraestruturas.
Contodo, frente á mudança da localizaçom, existem alternativas mais económicas, que evitariam novas construçons no espaço da Devesa do Rei e neutralizariam eventuais processos especulativos com os terrenos da EDAR atuais. A proposta da Candidatura do Povo é por tanto melhorar os sistemas de depuraçom de filtro da EDAR atual, ampliar as suas instalaçons, garantindo a recepçom dos fundos UE nos prazos fixados com a reduçom dos trámites e evitando novas agressons no contorno do rio Sar e da Devesa do Rei.
O desconhecimento possibilita a impunidade das agressons
O traslado da EDAR atual implicaria provavelmente processos de especulaçom urbanística com os terrenos atuais, dado que se encontram numha das linhas de crescimento da cidade, estám próximos do citado colégio cujos proprietários tenhem notável influência na atual equipa de governo e, por último, visto que Geslander, S. L., a imobiliária de Conde Roa, operaria também nesta zona do termo municipal. Dados todos que nom som definitivos, mas configuram um cenário mui favorável para a especulaçom.
O percurso a pé polas ribeiras do Sar permitiu-nos conhecer as impresionantes paragens de fervenças e rápidos que se existem no rio, a diversidade da sua arquitetura popular maioritariamente abandonada, a qualidade das águas do Roxos e as suas poças e a enxurrada de poluiçom que o Sar achega à Ria de Arouça. Contodo, a situaçom periférica do rio na cidade, o desconhecimento geral que existe sobre a sua bacia e o estado de deterioro que sofre facilitam que hoje, com a cumplicidade da Cámara, se leve adiante impunemente umha brutal agressom ambiental no noso termo municipal que só a pressom cidadá pode reverter.
