A saida será do estacionamento do campo de futebol da Passagem, Víncios às 10:30 h, demorando um tempo aproximado de 4 horas a chegar ao final, no Parque Florestal do Galinheiro, Víncios. Serám 10 Km de percurso que a organizaçom define de dificuldade média-baixa, através de sendeiros doados e com poucos troços de desnível.

Após a caminhada dar-se-á leitura ao um manifesto e haverá um jantar popular no que cada umha das e dos participantes contribuirá com a comida que elabore e leve. Da Plataforma indica-se que haverá música e animaçom.

A Serra do Galinheiro está ameaçada por projetos de instalaçom de parques eólicos, que visam satisfazer umha demanda energética absolutamente desmessurada em razom, principalmente, de atividades fortemente depredadoras de recursos naturais e energéticos no nosso País. A geraçom de superávit energético na Galiza, destinado à venda e exportaçom, também reporta interessantes benefícios às empresas do sector energético, embora tenham poucos efeitos (beneficiosos) sobre a populaçom.

Foto: