Estám a ser milhares as pessoas que saem à rua, numerosas as atividades e atos de protesto convocadas, assim como os colectivos, grupos e organizaçons que participam ou se posicionam. Lá conseguiremo-lo e nom terám que respirar literalmente a merda tóxica causada pola péssima gestom dos resíduos.

O anúncio do projeto contra a saúde pública veu acompanhado do de sempre: falsas promessas de postos de trabalho, falsas promessas de máximo respeito ao meio ambiente e à saúde, falsas promessas de claridom na informaçom e gestom do projeto e falsas promessas no acolhimento das propostas de todos os agentes sociais.

As propostas de tratamento dos resíduos por parte do governo da Junta distam, e muito, dumha democrática e benfeitora proposiçom.

Como acontece na planta do norte, em Cerzeda, a implantaçom dumha incineradora supom a destruiçom de numerosos postos de trabalho relacionados com os setores agro-pecuário, florestal e do turismo rural.

Acolher umha incineradora é acolher a contínua emissom de gases contaminantes e tóxicos para a saúde humana, assim como a devastaçom natural num rádio de 30 quilómetros.

Desde o anúncio público deste projeto, vem sendo nula a sua transparência e informaçom por parte da empresa Estela Eólica, sem qualquer concurso público de aquisiçom.

O governo da Junta continua a fazer ouvidos surdos às propostas atuais baseadas na reduçom, reciclagem e reutilizaçom de mais de 80% dos resíduos; propostas completamente viáveis em diferentes núcleos galegos e estrangeiros, e que contradim os alarmantes dados tirados sob o insultante nome de "valorizaçom energética".

A modo de exemplo, a incineradora mais próxima, a planta de Cerzeda, "valoriza" menos energia da que consome, incinera mais do duplo da meia de resíduos europeia e recicla ou 40% menos. Esta jóia da tecnologia está a formar umha montanha de resíduos nom tratados de 47,3% do total que lhe vai chegando, e é ganhadora dum posto entre as empresas mais contaminantes da Galiza.

Perante a exemplar oposiçom popular à planta do Irijo, o PP já praticamente descarta a sua construçom e está baralhando a possibilidade de instalar esta planta em Vigo. Nom o podemos permitir!

Pola nossa saúde e pola necessária aposta pola reutilizaçom dos resíduos, a Assembleia Comarcal de NÓS-Unidade Popular de Vigo lançamos um NOM contundente à implantaçom dumha planta incineradora na nossa cidade.