Nestes últimos meses, principalmente marcados pola campanha eleitoral municipal, o conflito ENCE voltou sair à palestra com a promessa eleitoral do candidato do Partido Popular Telmo Martín de levar o complexo a terras de Marcom. A resposta nom se fijo aguardar e a vizinhança desta localidade plantou cara mostrando rotundamente a repulsa a convivirem com umha fábrica de poluiçom, depredaçom e doenças.

Desde a Revira valorizamos positivamente, coma nom poderia ser doutra maneira, a sua resistência fronte a prepotência de sobra conhecida de Telmo Martín. Mas também somos conscientes de que esse traslado nom é a soluçom. Por enquanto, continuarám a estragar os nossos bosques, a nossa saúde e a nossa economia num outro lugar, for no concelho de Ponte Vedra ou fora dele.

Por isso, da Revira exigimos o encerramento imediato da Factoria ENCE-ELNOSA e a nom renovaçom da licença ambiental integrada para assim poder dispor da nossa ria para gozo e lazer coletivo, para a recuperaçom dos bancos marisqueiros e para pôr freio ao monocultivo de eucalipto que com interesses puramente económicos está a substituir a brutalmente a fraga galega.