Un quinteiro é unha especie de praza ou terreo común que serve como lugar de reunión nunha aldea. Partindo desta idea se creou a proxecto comunicativo Quinteiro do Umia TV que se vai presentar este xoves 24 de setembro no Centro Social A Comuna (Verea do Polvorín 35, Corunha) as 19.30 horas.
O representante deste colectivo, Santi Martínez López, falará de cómo se xestou e como se desenvolve este proxecto no que o obxectivo principal é dar a coñecer o relato da actualidade da comarca do Umia que os propios veciños e veciñas realizan, evitando con isto envoltorios que podan deturpar a mesma. Pódense atopar exemplos destes relatos no seu canal de YouTube e mais no seu blog.
Mostras deste traballo sobre a realidade local son pezas como O monte arde porque dá cartos, entrevista a un axente forestal e un brigadista da helitransportada, sobre os incendios que consomen a comarca do Umia e a Galiza enteira; ou A-PAGAR A LUZ no cal se analiza o modelo enerxético, os seus desequilibrios, as súas irritantes peculiaridades e tamén as alternativas posibles, viables e reais co economista, Adrián Dios, e cun dos impulsores da primeira cooperativa enerxética galega, Ángel Montero.