"Um espaço na internet para a sociedade galega" é o mote com que a visitante é recebida no sítio que estreia o novo domínio: www.dominio.gal, e no qual se explicam os prinícípios para o funcionamento desse espaço. Será no Dia da Pátria (25 de julho) que comecem a funcionar com normalidade os primeiros webs com o domínio .gal incorporado ao endereço.
Entretanto, de 1 junho a 25 de julho serám aceites propostas para o chamado "Programa Pioneiros", até completar 90 sites que estarám no ar no dia da estreia.
Depois disso, entre setembro e novembro, decorrerá umha segunda fase de proteçom de domínios de interesse público, umha fase batizada como "Abrente". Nela, as entidades públicas e privadas poderám exercer o seu "direito preferente" de solicitaçom de domínio, consoante as normas internacionais da ICANN.
A entidade PontoGal e a Junta da Galiza anunciárom também a abertura de umha Corrida paralela para o público geral poder aceder a endereços, num leilom para conseguir os que puderem parecer de interesse.
A fase final, aberta, chegará em dezembro, já sem qualquer restriçom.
Fase Aberta: o dominio para todos en decembro
A entidade PontoGal afirma que desenvolve a sua atividade sem fins lucrativos, orientada unicamente para o financiamento da presença do galego na rede. O seu presidente, Manuel González, compareceu em conferência de imprensa junto ao presidente da Junta, Alberto Núñez Feijó, para explicar o projeto e as vantagens que o novo domínio vai dar à Galiza e à sua visualizaçom e localizaçom na internet, a nível de pesquisadores, comércio eletrónico e promoçom da qualidade galega.
A associaçom PonntoGAL é formada por 114 organizaçons de diferentes setores sociais, incluídas as principais instituiçons culturais da Autonomia. A ICANN aprovou a candidatura em 2013 e delegou o dominio nesta primavera.
Foto: Lavandeira Jr.