Trabalhadores e trabalhadoras da TVG analisam neste blogue o tratamento de diversas informaçons ao tempo que denunciam, mais umha vez, a manipulaçom informativa que se dá nos telejornais do ente público.
A página trata de evidenciar o tratamento informativo que se lhes dá a certas novas, especialmente àquelas de caráter político onde o governo de Feijoo tem algo a ver.
"As distintas varas de medir" ou "Minimizam a resposta social aos despejos" som algumhas das novas analisadas. O blogue criado polo Comité de Empresa da TV da Galiza demanda ao mesmo tempo a criaçom do estatuto profissional que estabelece o artigo 36 da Lei 9/2011 de Novembro dos meios públicos de comunicaçom audiovisual da Galiza, que contempla a criaçom do Conselho de Informativos da CRTVG.