Através dum comunicado, a Ordem expressa que os meios públicos "tenhem umha funçom social e democrática" com a que contribuem para garantir o direito dos cidadaos a receberem informaçom plural e independente, polo que fai um chamamento à defesa da Companhia de Rádio Televisom da Galiza (CRTVG) "como meio público e galego".

Assim, destaca que, "qualquer desviaçom desta focagem fundacional, questiona a essência da CRTVG", baseado na defesa da língua e a cultura própria da Galiza.

Após a XI Assembleia na Faculdade de Ciências da Comunicaçom da Universidade de Compostela neste sábado, a Ordem de Jornalistas da Galiza sublinhou que a companhia pública galega "tem, aliás, umha funçom económica como elemento dinamizador do setor audiovisual" e de criaçom de postos de trabalho.

"O melhor achegamento a estes objetivos que pode fazer o conselho de Administraçom da CRTVG é a profissionalizaçom dos seus membros e o seu envolvimento na defesa duns meios públicos, galegos e de qualidade", conclui o comunicado.