Umha das "queixas" que muitos e muitas de vós nos tendes feito chegar nestes meses é a confusom criada pola falta de indicativos para, sem terdes que ler umha notícia, saberdes a que país corresponde.

Doravante, essa falha está corrigida e as notícias publicadas desde hoje contam com o nome do país de origem no antetítulo, junto à informaçom temática.

Naturalmente, nom nos limitamos a incorporar os nomes dos estados actualmente existentes, incorporando umha longa lista de naçons sem Estado para fazermos referência à verdadeira identidade dos povos noticiados.

Esperamos que esta novidade ajude a navegar no site do DL e convidamos-vos a continuardes a fazer sugestons de melhoramentos técnicos e visuais para que o Diário Liberdade seja mais útil como ferramenta informativa a serviço dos povos que luitam.

Estrutura da informaçom no DL

Aproveitamos a ocasiom para resumir como é a distribuiçom da informaçom no espaço do DL.

A primeira notícia, a que tem a fotografia de maior tamanho, ou Grande Destaque, costuma ser dedicada a algum tema de especial relevo, de qualquer país, e ser mantida mais tempo do que as restantes.

A seguir ao Grande Destaque venhem os seis destaques do dia. Esses estám agrupados em duas colunas, com três notícias cada: a primeira tem notícias da Galiza; a segunda, dos outros países lusófonos e do resto do mundo.

Depois temos um segundo Grande Destaque, que como o anterior fica mais tempo à vista que as restantes notícias. Ao pé dela, está o destaque audiovisual.

Abaixo disso, ficam a coluna da Galiza (a primeira) e a da Lusofonia (a segunda), com as restantes notícias desses ámbitos.

Na parte baixa, temos seis notícias de ámbito internacional nom lusófono.

Já na terceira coluna, estám a secçom de Opiniom e a de Publicaçom Aberta.

Queremos, por último, lembrar que no interior de cada secçom podem consultar-se todas as notícias anteriores, podendo escolher-se com critério temático. Também temos a opçom de utilizar o pesquisador, com modo avançado de pesquisa para encontrar exactamente aquilo que estamos a procurar.

A Equipa do DL.