O processo judicial ao que continua submetido um Desportivo em concurso de acredores e com umha grave dívida nas costas semelha centrado nestes últimos dias nas empresas que fam parte do clube, que segundo a administraçom que se fijo cargo da entidade estám a gerar mais perdas que lucros e das que pretende desprender-se. O complexo hoteleiro Playa Club, o diário impresso Deporsport ou a loja de produtos branquiazuis que ocupa um local no estádio -que empregan a decenas de persoas que se teñen queixado da falta de información e incerteza na que viven- son algunhas das actividades implicadas e de que cuja gestom foi apartada a diretiva que preside Augusto César Lendoiro, o que tamén afeta os seus achegados, o que inclui familiares que teñen asumido postos nestas empresas, de feito o seu cuñado Felipe Marcos era o administrador único, función que a autoridade concursal cedeu agora à firma de advogados Graíño & Freire.
O bufete de juristas corunheses será o encarregado de gerir as diversas empresas do Desportivo. Mas, quem som responsáveis Jesús Graíño e Alfonso Freire? O seu perfil amosa unhas características ideolóxicas moi concretas e polémicas. Um exemplo. Em 2010, ambos advogados asumiron a defesa da memória dun conhecido falangista local dos anos 30.
A gestom das empresas do Deportivo, em maos de advogados defensores da memoria dun falanxista
Graíño e Freire foron os xuristas que apoiaron a demanda da familia de Juan Canalejo cando esta intentou que non se lle aplicara a Lei de Memoria Histórica e se lle retirasen as honras que a nivel local se lle concederon na Coruña durante a ditadura. O militar Juan Canalejo foi o fundador da Falanxe na cidade en 1933 e tamén o xefe territorial das “milicias” da FE-JONS, que cometeron numerosos actos terroristas a prol dun golpe reaccionario. Por estes motivos foi detido semanas antes do 18 de xullo de 1936, sendo logo asasinado en Paracuellos. A Comisión pola Recuperación da Memoria Histórica cualifícao como “un pistoleiro”.
Pero os letrados que agora se fan cargo das empresas do Dépor defenderon hai tres anos que se trataba dun “falanxista sen nada que ver co franquismo”. Acusaron aos historiadores que se pronunciaron a favor da retirada de títulos, como unha rúa co seu nome, que foi aprobada polo concello -e que o PP mantén na neveira- de “mesturar xustiza con política” e mesmo definiron como “totalitarios” aos activistas pola memoria histórica das vítimas do fascismo en Galiza. O TSXG fallou a favor da eliminación das honras a Canalejo en contra da posición de Graíño e Freire.
Defesa de Jorque Dorribo
Aliás, a firma de advogados favorecida polo administrador concursal do Desportivo também participou noutros casos mui conhecidos, como o de suposta corrupçom que foi batizado como Operaçom Campión. Graíño e Freire defenderon a Jorge Dorribo e Arsenio Méndez, donos de Nupel e principais protagonistas nunha suposta trama de favores irregulares pola que ambos já fôrom condenados por falsa contabilidade.
