A sua proposta consistiu em incluir "no mesmo pacote" com a mesma honra a Manuel Fraga. O atual presidente da Cámara de Cambre, Manuel Ribas Caridade, do PP, declarou que numha semana se estudaria a possibilidade, dado que os promotores de tal proposta, nom conseguírom inclui-la como acréscimo à iniciativa original de homenagear o polifacético galeguista sadense.

Tendo em conta que é bastante plausível a hipótese de que isto se trate de umha jogada pactuada entre "progressistas" e "populares", e sabendo que é bastante improvável a oposiçom do PSOE (a julgar polo seu discurso e as suas atitudes durante os dias precedentes ao falecimento do ex -ministro franquista e umha vez produzida a sua morte) há que contar com que se materialize a aberraçom em Cambre de pôr na mesma altura a quem luitou pola liberdade e a dignidade e a quem sempre se pujo ao serviço da reaçom e dos poderosos, com orgulho, cometendo crimes e sem mostrar arrependimento em nengum momento da sua vida.

Nom nos surpreende que o regime atual renda homenagem a Fraga, mas ainda que seja simplesmente por umha questom de dignidade formal, manifestamos a nossa oposiçom a que se gaste um só céntimo público em fabricar umha placa com a legenda "Rua Manuel Fraga Iribarne". De maneira nengumha podemos esquecer a condiçom franquista de Manuel Fraga, a sua implicaçom direta em crimes de Estado, a sua estreita relaçom com o caciquismo tradicional galego e com tramas de corrupçom e em resumo, a sua condiçom de fascista, sanguessuga e inimigo do povo galego.

Chamamos, logo, o povo de Cambre a manifestar a sua disconformidade com esta iniciativa do governo local, certas e certos de que um amplo setor da populaçom do concelho nom concordará jamais com ela, umha vez conhecida de sempre a tradiçom operária e de esquerda do povo de Cambre.