Som vári@s @s militantes da nossa organizaçom que nas últimas semanas tenhem recibido notificaçons dos julgados das suas respetivas localidades para prestar declaraçom sobre um suposto delito de "furto" na localidade de Ames.O suposto "roubo" refere-se à retirada, enquadrada na campanha "Simbologia fascista fora da Galiza. Higiene, justiça e democracia", de duas placas de mais de metro e meio de altura, assim como umha coroa metálica representando um loureiro, 20 de novembro de 2007, no átrio da igreja de Santo Tomé de Ames.
Estas placas, que junto a centos de simbolos fascistas, fôrom entregues no seu dia ao governo bipartido do BNG e PSOE da Junta da Galiza, lembravam a José António Primo de Rivera e outros 22 vizinhos desta freguesia que morrerom combatendo no bando fascista.
A açom de higiene democrática, realizada no trigésimo segundo aniversário da morte do genocida Franco, foi umha humilde homenagem a toda a vizinhança de Ames assassinada polo fascismo espanhol.
Agora, mais de quatro anos depois, vários membros da Direçom Nacional daquela altura som chamad@s a declarar acusad@s de furto.
Seja qual for o resultado final do caso em termos legais, NÓS-Unidade Popular solidariza-se com estes companheir@s e ratifica como perfeitamente legítima a açom exigindo o fim da perseguiçom contra quem reclama a mais elementar higiente democrática e umha mais decidida e geralizada atuaçom das instituiçons públicas contra a simbologia fascista ainda presente nas ruas da Galiza.
