Apoiadas pola GAA (Gaelic Atlhletic Association), botara a andar a primeira Liga Nacional oficial galega, o vindeiro 16 de março. Sendo este um desporto novo e que está a dar os seus primeiros passos, este torneio jogara-se em equipas de sete jogadores, a diferença do habitual na Irlanda, que é de 15. Todo apunta a que à volta do verão se jogará a Copa Galega com equipas, esta vez, de 11 jogadores, que é adaptaçom que se fai para os campos de jogo empregados na Galiza.

É este um dado inédito já que é a primeira vez na história do nosso país que se joga umha liga oficial galega, à margem das instituiçons espanholas e também a primeira vez que umha seleçom galega é reconhecida internacionalmente.

Desde Siareir@s Galeg@s parabenizamo-nos polo grande avanço que se deu na última tempada no eido deste desporto, na que o número de equipas multiplicou-se e segue em aumento. Mas também temos mágoa polas marcadas diferenças que há entre elas. Nos últimos meses fizemos-nos eco da iminente criaçom da Associaçom Galega de Futebol Gaélico, da qual ficariam excluídas de antemão todas as equipas que levaram mulheres nas suas filas.

Desde Siareir@s Galeg@s apoiamos a oficialidade das nossas seleçons e todos os avanços que se vaiam dando neste sentido, mas também conforma um dos nossos pilares o apoio ao desporto de basse e à igualdade de condições e reconhecimento das mulheres no desporto. É por isso que também apoiamos o trabalho que estam a fazer as equipas mistas de futebol gaélico neste âmbito.

Faísca (Vigo), Suévia (Compostela) e Afiador@s (Ourense), jogam este sábado, dia 16 de março um triangular polo dia de Sam Patrício, no que homens e mulheres demonstraram, umha vez mais no terreno de jogo, qual é o caminho para acadar a igualdade.

Desde Siareir@s Galeg@s convidamos-vos a apoiar o desporto galego assistindo a todos os jogos de futebol gaélico e a que futuras jogadoras e jogadores se somem a esta iniciativa fortalecendo o germolo que promete mudar o panorama desportivo galego.