Foto: Representantes d@s 12 processad@s durante a conferência de imprensa (Aurélio Lopes, Facebook)
Será, da mesma maneira que nas duas convocatórias anteriores (em que o juízo foi adiado por diferentes motivos), nos Julgados de Fontinhas, na capital da Galiza.
Assim o indicárom hoje em conferência de imprensa três d@s acusad@s, Abraám Alonso, Joám Peres e Aurélio Lopes, na qual fôrom apresentadas diferentes iniciativas de apoio frente a este novo processo repressivo, com destaque para a concentraçom convocada na terça-feira 20, o primeiro do julgamento, às 9h nos próprios julgados. Umha concentraçom à qual chamam a assistir todas as pessoas, agentes e coletivos solidários.
Independentismo e reintegracionismo de base figérom frente aos ultras espanhóis
Os 3 representantes d@s processad@s reivindicárom os atos de protesto contra a manifestaçom ultra-espanholista daquele 8 de fevereiro, protagonizados por centros sociais, entidades culturais e polo independentismo de esquerda, como umha mostra de dignidade galega frente aos ataques ao idioma e como resultado de um conflito social e nom de um “problema de ordem pública”. Também destacárom a “casualidade” da coincidência deste julgamento com a campanha eleitoral das eleiçons europeias de 25 de maio e denunciárom o diferente tratamento dado pola justiça espanhola a estas 12 pessoas em comparaçom com @s principais responsáveis pola catástrofe de Angróis.
Na conferência de imprensa, aliás, denunciou-se a situaçom de dispersom fora da Galiza de Roberto Rodrigues “Teto”, preso independentista e umha das pessoas que vai ser julgada neste processo. Teto foi deslocado nos últimos dias à prisom galega de Teixeiro perante a proximidade do julgamento, mas umha vez finalizado este voltará a ser dispersado a centenas de quilómetros do País e do seu ámbito social.
Dentro da campanha de solidariedade também está prevista a repartiçom de um manifesto solidário nas mobilizaçons em defesa do galego convocadas para este sábado 17 de maio, Dia das Letras Galegas. Além disso, segundo informárom ao Diário Liberdade do coletivo de processad@s, também solicitarám à plataforma Queremos Galego a leitura de umha nota de apoio no fim das manifestaçons e concentraçons convocadas.
Finalmente, na conferência de imprensa apresentou-se o cartaz de denúncia preparado para esta ocasiom sob a legenda “Defender a língua nom é delito. Na Galiza em galego”, assim como o HT #8f45anos para espalhar a solidariedade nas redes sociais.
Lembramos que as 12 pessoas enfrentam umha petiçom de prisom de 46, em conjunto, assim como 34.000 € em multas.
Fazer HashTag de #8f45anos
Entre as propostas solidárias que já circulam na rede, salienta o apelo para o espalhamento do hashtag #8f45anos, como denúncia da ofensiva judicial espanhola contra a nossa língua, encarnada nos 12 processados e, no imediato, contra os quatro que vam ser julgados na capital da Galiza neste mesmo mês.
Reproduzimos a seguir a entrevista a três dos represaliados realizada pola Irmandade TV.