A acusaçom partirá dos protestos populares registados na capital galega no passado mês de janeiro, aquando da detençom doutro militante independentista, Adriám Mosqueira, que continua em prisom preventiva e sob regime de dispersom ainda na atualidade.
Nahuel, vizinho de Compostela, foi detido no meio-dia e levado a apresentar declaraçom perante um juiz em Compostela, ficando livre por volta das 19 horas, sendo recebido por dúzias de pessoas solidárias. Previamente, a sua casa foi registada por elementos da força repressiva espanhola, enquanto dúzias de pessoas, amigas e vizinhas do bairro do detido, protestavam polo operativo repressivo desatado pola polícia espanhola.
Os fardados chegárom a realizar diversas cargas violentas contra as pessoas que protestavam na rua, incluindo disparos ao ar nas redondezas de um centro de ensino infantil. Várias pessoas ficárom com contussons devido às pancadas dos polícias e umha foi detida por, alegadamente, ter "tentado agredir um agente", acusaçom habitual do corpo repressivo contra os e as manifestantes que detém arbitrariamente.
A jornada repressiva concluiu com mais um ativista do movimento popular galego vítima de um processo repressivo e mediático. De facto, o jornal da direita compostelana El Correo Gallego chegou a situar em destaque um título sem qualquer sustento nem que fosse nas acusaçons policiais, ao se referir ao detido como "suposto membro da Resistência Galega".
[13h30 de 24.04.13] Detido um militante independentista hoje em Compostela
Paulo Marterana, conhecido no movimento popular compostelano como Nahuel, foi detido no meio-dia de hoje polas forças repressivas espanholas na capital da Galiza.
Nahuel é um jovem independentista com anos de trajetória militante e bem conhecido nos movimentos sociais de Compostela. Desconhece-se por que motivos, a Polícia espanhola detivo-o hoje e, segundo algumhas informaçons, estaria nestes momentos a registar a sua morada e a de umha segunda pessoa, também vizinha de Compostela, segundo informaçons divulgadas pola compostelana Candidatura do Povo (CdP).
No Contro Social O Arredista, de Compostela, foi convocada já umha assembleia aberta para as 16 horas de hoje, para informar sobre a situaçom repressiva do companheiro detido e tomar iniciativas solidárias e de denúncia contra a perseguiçom política que sofrem setores do movimento popular e independentista nos últimos tempos de maneira intensa.
Esperamos poder completar com mais dados a informaçom relativa a esta nova atuaçom repressiva espanhola contra o independentismo galego.