Na Galiza saírom à rua Compostela, Ferrol, Corunha, Cangas, Ponferrada, Vigo, Ourense e Lugo. O protesto é nas vésperas da tramitaçom em Madrid de umha ILP apoiada por um milhom e meio de assinaturas e que, previsivelmente, será derrubada polo Partido Popular (PP).
Na capital do Berzo cerca de cem pessoas juntárom-se portando umha faixa que reclamava 'daçom em pagamento retroativa e aluguer social', coincidindo com dous dos pontos da ILP que a ultradireita espanhola tentou barrar no Parlamento de Madrid. As horas da convocatória (10h00) nom ajudárom a incrementar o número de assistentes.
Em Ferrol o protesto era convocado pola Rede de Apoio Mutuo e Stop Desafiuzamentos Ferrolterra. Denunciou-se que haja 'casas sem gente e gente sem casas' e juntárom-se alguns centenares de pessoas.
A cita na capital galega era às 18h00, com saída da Praça Roxa. Cerca de 1.000 pessoas, segundo algumhas pessoas, circulárom polas ruas do centro de Compostela, terminando na Praça do Toural. Lá houvo a intervençom de algumhas vítimas de despejos hipotecários na comarca que explicárom a sua situaçom.
Ourense, Lugo e Cangas também tivérom protestos, juntando algmhas centenas de pessoas.
Vigo tivo a maior manifestaçom
Em Vigo alguns meios falam de 2.000 pessoas, na que terá sido a maior das manifestaçons decorridas na Galiza. O protesto de hoje em Vigo tinha o seu final na sede do Partido Popular na cidade, onde se leu o comunicado final. "Somos pessoas, nom mercadorias. Vam escuitar-nos ou aumentaremos a luita com a desobediência civil"-afirmou-se. O acto termionu com abraços das pessoas presentes.
Na Corunha a cita estivo marcada pola ameaça contra Aurélia Rei
Na Corunha a manifestaçom foi maior e estivo marcada polo caso de Aurélia Rei, umha mulher de 85 anos que poderá ser despejada da sua casa na segunda-feira (17/01) por umha dívida de 165€ contraída por nom ter pagado um mês de aluguer. A Cámara Municipal quer enviar a mulher para umha residência para idosas, apesar de que Aurélia é perfeitamente autónoma. Os e as manifestantes fôrom até a porta da vivenda de Aurélia, onde demonstrárom a sua solidariedade e chamárom a juntar-se no mesmo lugar na segunda-feira às 9:30, quando as forças do regime tentarám expulsar à mulher da sua casa. Logo concentrárom-se numha sucursal da Kutxa Bank, um de cujos clientes se suicidou nesta semana antes de ser despejado da sua casa.
Galeria de fotos
A seguir oferecemos umha galeria de fotos das manifestaçons decorridas nas cidades galegas neste sábado . As fotos da Corunha som da autoria do Diário Liberdade, as de Ferrol de Susete, as de Vigo e Compostela das respetivas plataformas locais contra os despejos hipotecários e a de Ponferrada de Berzo Desperta.
Foto principal do Diário Liberdade - Protesto na Corunha
______________________________________________________________________________________________________
[17/02, 10:07] Oito cidades e vilas galegas saem hoje à rua polo direito à moradia
Espera-se umha forte mobilizaçom. Numha semana em que o Partido Popular tentou barrar a ILP apresentada no Parlmento espanhol que, com quase um milhom e meio de assinaturas, pedia a expropriaçom da vivenda polo banco extinga a dívida sobre essa mesma vivenda, chega a cita à que estám chamados milhares de pessoas em diferentes países da Peninsula Ibérica.
As manifestaçons de hoje, convocadas pola Plataforma de Afetados/as polas Hipotecas sob o lema 'Polo Direito à Vivenda! Contra o genocídio financeiro assinalamos os culpáveis', decorrerám em oito vilas e cidades galegas, tal como noutros países da Peninsula. Chegam, ainda nuns dias marcados pola visibilidade pública de umha situaçom desumana e cruel: três pessoas se suicidárom em vários pontos do Estado espanhol por causa de despejos hipotecários. Ainda, na Galiza, umha vizinha da Corunha de 85 anos pode perder a sua casa próxima segunda feira por dever 165€.
Segundo dados do CGPJ espanhol houvo mais de 3.000 despejos hipotecários na Galiza autonómica só no primeiro semestre de 2012. Num país de cerca de 3.000.000 de habitantes, o drámatico da situaçom é evidente. Assim, com o protesto convocado para este sábado quer-se pressionar o PP de cara à votaçom da ILP contra os despejos hipotecários, apoiada por um milhom e meio de pessoas. O partido ultradireitista tentou vetar nem sequer a discussom no Parlamento dessa iniciativa, mas tivo que recuar perante a abafante pressom social. Paradoxalmente, os 'populares' apoiárom no mesmo dia umha ILP com um terço das assinaturas da primeira para impor as touradas na Catalunha.
As manifestaçons de hoje decorrerám em oito cidades e vilas galegas:
Ponferrada: 10h00, Praça do Concelho.
Corunha: 12.00 h, Praça de Lugo.
Ferrol: 12.00 h, Edifício da Delegaçom da Junta.
Vigo: 18.00 h, Marco.
Ourense: 18.00 h, Alameda.
Lugo: 18.00 h, Praça Maior.
Compostela: 18.00 h, Praça Roxa.
Cangas: 20.00 h, Praça do Concelho.
Foto: PAH