1 1 1 1 1 1 1 1 1 1 (8 Votos)

 MG 2498peqGaliza - Diário Liberdade - [Atualizado 07h15 de 26/07] Galerias fotográficas e vídeos no interior. A unidade por volta do Dia da Pátria conseguiu engajar milhares de pessoas.


Foto do Diário Liberdade - A praça da Quintá e grande parte das ruas do centro histórico de Compostela, cheias nos últimos minutos da manifestaçom.

Após às mobilizaçons de 24J e umha noite que, para muitas pessoas, combinou celebraçom e reivindicaçom chegou o Dia da Pátria deste ano 2015. A manifestaçom que partiu da Alameda ao meio dia escreveu o dia de hoje na História recente do país, ao assinar umha muito forte adesom popular à convocatória unitária em defesa da naçom galega.

Independentemente de números concretos, difíceis de especificar sem cair no erro, foi patente um aumento muito grande a respeito das mobilizaçons que, em anos passados, convocavam diferentes forças políticas separadamente, com peso destacado da do BNG. Neste 25 de julho de 2015, a praça da Quintá encheu-se até o máximo e ainda nom foi suficiente para abrigar todas as e os manifestantes. De como as expetativas fôrom ultrapassadas é umha amostra o facto de que, com a Quintá já ateigada, a fila para aceder à praça ainda atingia o Toural, para além de centenares de pessoas ocuparem muitas das ruas por volta da meta.

Uma legenda de mínimos, 'A Naçom Galega', e um manifesto final também morno, juntou na mesma faixa todas as principais forças políticas do nacionalismo galego, e especificamente as duas com maior massa, BNG e Anova, para além de pessoas a título individual - que estivêrom à cabeça da manifestaçom - e diferentes organizaçons do independentismo, como Agora Galiza, Causa Galiza ou Primeira Linha entre outras.

O manifesto lançado inicialmente por três pessoas de diferentes ámbitos do nacionalismo, nomeadamente Teresa Moure, Igor Lugris e Séchu Sende, viabilizou a convocatória que esta manhá percorreu as ruas da capital galega.

A poucos metros, um grupo seleto de autoridades e gestores do sistema burguês espanhol celebravam um ato católico na Catedral. Entre elas nom se encontrava, aliás, o Presidente da Cámara Municipal de Compostela, Martinho Noriega, que renunciava a participar nos atos religiosos - também nom estivo nem na manifestaçom de 25J nem em qualquer umha das de 24J. Esse reduzido grupo de dúzias no interior da Catedral mereceu maior atençom para meios do sistema como 'La Voz de Galicia' que os milhares que estavam no exterior.

Vídeos da manifestaçom unitária 'A Naçom Galega'

Em breve, o Diário Liberdade publicará galeria fotográfica da Histórica cita deste 25J. Entretanto, os vídeos resultantes do acompanhamento ao vivo servem como testemunho audiovisual:

Aumentou adesom também no 24J

Já na véspera do Dia da Pátria foi verificado um aumento na participaçom nas duas convocatórias que havia na capital galega: a Cadeia Humana polas Presas e Presos Independentistas e a manifestaçom juvenil unitária sob a legenda 'Mocidade galega pola independência. Venceremos nós!'. Vídeos e galerias fotográficas acessíveis aqui deixam mostras do que nesse dia aconteceu nas ruas de Compostela.

Também a Jornada de Rebeliom Juvenil, o evento político e de lazer organizado por Briga, tivo maior adesom que em anos passados, para além de servir de recebimento a Heitor Naia, galego reprimido polo regime espanhol recentemente absolvido.

Diário Liberdade acompanhou ao vivo

A jornada foi acompanhada ao vivo polo Diário Liberdade em vídeo...

... e com fotografias e notas de texto:

Como sempre, informaçons, fotografias, vídeos... puidêrom ser enviados por leitoras e leitores para o email info@diarioliberdade.org. O portal recebeu também visitas físicas na pequena banca instalada na Alameda durante a saída da manifestaçom unitária.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.