CUT e CIG convocárom reclamando um referendo que permita conhecer a opiniom do quadro de pessoal frente ao acordo entre a dirigência sindical maioritária no Comité de Empresa e a direçom da fatoria. Umhas 2.000 pessoas respondêrom contra o corte de 5%, de complementos e outros direitos adquiridos que acabam de ser liquidados com a conivência do principal sindicato.
20 delegados do SIT dérom o seu aval às pretensons da empresa, enquanto os 13 restantes votárom contra. Porém, só CUT e CIG convocárom a marcha deste sábado, se bem poderá haver proximamente novas atuaçons conjuntas, inclusive umha greve.
Limitaçom nas subidas aos 1,5%, ligando qualquer incremento a mais aos chamados "objetivos", supressom da "prima de presença" (reduçom de 500€ por ano) e reduçom de 5% do ordenado ordinário som algumhas das medidas que provocam a protesto de milhares de trabalhadores e famílias afetadas, que tambhém assistirám a congelamento do plus de antigüidade e a um cada vez menor compromisso face à sinistralidade por parte da direçom da multinacional francesa.
Foto: @gzcontrainfo