As pessoas solidárias estám convocadas às 8h desta terça-feira (15 de julho) no endereço Vilacova nº 10 (Arins) para apoirem a família de Carlos e Maria e evitarem que se faga efetiva a ordem de despejo.
Segundo informam de STOP Despejos, embora o despejo aparente ser o de umha morada de aluguer, na realidade esta família corre o risco de ser expulsa da sua casa de toda a vida posto que, explicam, foi umha situaçom de desemprego a que impediu que pudessem pagar a hipoteca e que aceitassem a proposta de umha pessoa (residente em Benalmádena, na Andaluzia) que se ofereceu a pagar o crédito.
Segundo acordaram na altura, esta família poderia “continuar com a sua vida” e na sua morada, mas agora enfrentam umha ordem de despejo e é-lhes exigida umha “dívida” de 150.000 euros. De STOP Despejos Compostela consideram que a família atingida é vítima da estafa de um “usureiro” que poderia dedicar-se a realizar este tipo de estafas “como meio de vida”.