O Apalpador chega a Lugo na sexta-feira 18 de dezembro. Juntar-se-á com as crianças e adultos de Lugo no CS Mádia Leva!, a partir das 17:00 h desse dia. No encontro, todas e todos poderám vestir roupas tradicionais elaboradas por Criança Cooperativa, a organizaçom que junto do Centro Social autogerido fai possível o encontro.

Assim vestidos e vestidas, às 17:30 h poderá assistir-se a obra teatral 'O Apalpador e o passarinho' que será representada previamente a umha ruada que terá saída às 18:30 h e que, para além da música, adiantar algumhas das castanhas que o Apalpador tem previsto deixar polos lares galegos nas noites deste Natal.

O que vai acontecer em Lugo é só mais umha amostra da crescente (re)implantaçom do Apalpador na Galiza, que aos poucos recupera espaços. Umha das iniciativas melhor sucedida nessa recuperaçom foi também anunciada nestes dias: o concurso infantil 'Conhecendo o Apalpador' que a Fundaçom Artábria promove nos centros educativos da comarca de Trasancos.