O ataque bombista registado esta madrugada contra umha sucursal de Novagalicia Banco em Beade, na comarca de Vigo, deixou importantes danos materiais no caixa automático da entidade, onde fora colocado o engenho explosivo e onde explodiu entre as 3:30 h e as 4:20 h desta terça-feira (13/08), sempre segundo informaçons dos media comerciais.
Com o devido cuidado a respeito da sua veracidade, tratando-se de 'informaçons' de El Faro de Vigo, a vidraça do escritório bancário, assim como paredes e teito do caixa e a porta dele terám sofrido desperfeitos grandes, que manterám a sucursal fechada por enquanto.
Microdoaçom de 3 euro:
Samuel Juárez: O mais esperto da turma assegura que a explosom de um caixa automático na pequena paróquia viguesa prejudica o conjunto da economia da Galiza
Quem novamente presume de habilidades adivinhatórias é o ultradireitista Samuel Juárez (PP), delegado do governo de Madrid na Galiza, quem atribui a açom a um suposto grupo armado chamado 'Resistência Galega', tendo que admitir, no entanto, que ninguém reclamou a colocaçom do explosivo.
Juárez acredita, ainda, que o destroço de um caixa automático de madrugada na paróquia viguesa "prejudica a recuperaçom económica" do país inteiro. Palavras que seriam ridículas se nom apelassem aos medos mais profundos das centenas de milhares de galegas e galegos no limiar da pobreza.
La Voz de Galicia, no seu papel habitual, reproduz acriticamente as palavras de Juárez, generalizando-as a um rotundo 'Atribuyen a Resistencia Galega la explosión de un cajero en Vigo'. El Faro de Vigo e outros meios burgueses também apontam para o independentismo galego antes de qualquer pesquisa, ainda havendo precedentes de ataques com explosivos realizados por anarquistas e doutra origem.
De facto, as fontes policiais admitem que som investigadas todas as possibilidades e nom citam qualquer classe de organizaçom. Também se sublinha o difícil que é pressupor qualquer motivaçom de um grupo social concreto, dado o roubo massivo das preferentes que afetou direta ou indiretamente a prática totalidade da sociedade galega.