Recordamos que a Renda Básica das Iguais consiste no dereito que ten cada persoa a percibir periodicamente uns ingresos que lle permita cubrir as súas necesidades e que ha de percibirse de xeito individual; universal e incondicional e cuxa contía económica sexa, polo mínimo, igual ao limiar de pobreza. As vías para acadar os ingresos necesarios para implantación deste dereito consisten na re-asignación do gasto público e na reforma do sistema fiscal.
O obxectivo é a distribución das rendas acumuladas nas mans duns poucos, para dar resposta á exclusión que está a afogar cada día a máis persoas, mentres que os prazos de espera e criterios para acceder a prestación irrisorias como a RISGA non fan máis que aumentar. A longo prazo, a proposta trata de contribuír á transformación social desde parámetros de equidade e xustiza social.
Palestras, aulas abertas co alumnado de Traballo Social, un obradoiro sobre Renda Básica e Xénero, a gravación dun documental divulgativo sobre esta proposta e xuntanzas con profesionais do ámbito social e colectivos en situación de exclusión, como persoas con VIH, familiares de presas e presos, ou mocidade, son algunhas das actividades que compoñen a programación desta primeira semana galega pola RBIs.
De cara a xerar debate sobre a utilidade desta ferramenta, colectivos sociais de distinta índole, mais que coinciden na necesidade de facer fronte á precarización das condicións de vida nos que se atopan polo menos seis de cada dez fogares galegos -segundo os últimos datos do IGE referidos ao ano 2012-, decidiron dar un paso máis na loita polo dereito a vivir dignamente. Moverse para dar a coñecer unha proposta que, de ser implementada, garantiría que ao menos persoas en situación de maior exclusión, puideran dispoñer dunha renda ao redor dos 800 € ao mes.
Entre os colectivos que están a organizar esta 1ª Semana Galega pola RBIs están: Coordinación de Loitas Baladre, Oficina de Dereitos Sociais - Coia, Grupo de Axitación Social, Grupo IMÁN, CS Bou Eva (Vigo), Colectivo de Benestar Social, Encontro Social de Ferrolterra, Coruña en Loita, Liga Estudantil Galega, Colectivo Na Encrucillada e a Cova da Terra (Lugo) ou a CNT e o Ateneo Libertario de Allariz.
A continuación, a programación completa de actividades:
25 Xaneiro
Pontevedra. 20:00hs Presentación do libro "Repartindo a nosa riqueza". CS O Gorgullón Organiza: Colectivo Encontro Benestar Social.
26 Xaneiro
Coruña. 12:00hs Presentación do libro "Repartindo a nosa riqueza" Fórum Própolis.
Compostela. 16:30hs Obradoiro "A RBis desde unha ollada feminista". Libraría Lila de Lilith.
Vigo. 17:00hs CS Xuntas.
Ferrol. 18:00hs Presentación do libro "Repartindo a nosa riqueza"- Local Asociación Fuco Buxán. Organiza: Encontro Social Ferrolterra
27 Xaneiro
Allariz. 18:00hs Presentación do libro "Repartindo a nosa riqueza". Local Confederal da CNT. Organiza: CNT e Ateneo Libertario
28 Xaneiro
Ourense. 19:30hs Presentación do libro "Repartindo a nosa riqueza". Espazo Cultural Alternativo (EsCuA)
29 Xaneiro
Compostela. 19:00hs Presentación do libro "Repartindo a nosa riqueza". Facultade de Cc. Económicas. Organiza: Liga Estudantil Galega.
As Pontes. 20:00hs Sala Polivalente Casa Dr. Dopeso.
30 Xaneiro
Lugo. 19:30hs Presentación do libro "Repartindo a nosa riqueza". Facultade de Formación do Profesorado. Organiza: Cova da Terra e Na Encrucillada.
31 Xaneiro, Peche das actividades en Vigo.
11:30hs Presentación do libro "Repartindo a nosa riqueza". Centro Cívico Casco Vello. Organiza: IMÁN.
20:30hs Presentación do libro "Repartindo a nosa riqueza". Centro Social Bou Eva.
Foto: ODS-Coia