Apesar do tempo chuvoso e frio com que o outono começou há já uns dias na capital galega, cerca de 500 pessoas, segundo confirmárom ao Diário Liberdade pessoas assistentes, acompanhárom a convocatória deste 25S em Compostela.
Por volta das 20:00 horas, os e as manifestantes juntavam-se às portas do Parlamento atonómico, separado do povo por várias dúzias de agentes policiais (trinta, segundo a imprensa burguesa). À cabeça da manifestaçom, umha faixa na que se lia "Estamos fartos/as, Todo o poder para o povo" abriu passagem à coluna, que se circulou polas ruas molhadas até a Praça do Obradoiro, entre vozes de "O capitalismo nom se reforma, detrói-se" ou "Este sistema imo-lo deitar", entre outras.
Umha concentraçom às portas do Palácio de Rajoi (fortemente custodiado pola polícia, mais umha vez) foi o ponto final ao protesto compostelano.
Fotos enviadas por um manifestante ao Diário Liberdade