Finalmente, vencêrom. Elxs, xs de Famatina. Xs habitantes de umha pequena vila de sete mil pessoas, que construírom umha assembleia, que bloqueárom umha rota, que se opugérom aos poderes. Xs que dixérom "nom".
Finalmente, o governador Luis Beder Herrera assinou o decreto 874 que rescinde o contrato entre a província e a Osisko Mining Company, umha empresa canadiana que queria instalar um projeto de megamineraçom a céu aberto na regiom. A oposiçom frontal do povo venceu a possibilidade empresária da depredaçom do meio, da ussurpaçom estrangeira dos recursos naturais, da entrega. Depois de um ano e meio de luita, Famatina venceu.
"Estamos mui felizes -diz Carina Díaz Moreno, umha das membros da assembleia popular de Famatina-. Contodo, somos desconfiadxs deste governo e seguiremos mantendo o corte no Alto Carrizal, onde começa o caminho que leva ao cordom montanhoso do Famatina".
O corte ao que a assembleísta se refere é o método decidido polo povo que impediu, desse jeito, a passagem aos representantes da empresa Osisko Mining Company, que tinham o intuito de explorar grande parte das montanhas para extrair, con métodos poluentes, o ouro espalhado nelas.
"A continuidade e persistência dos devanditos acontecimentos de confronto, impossibilitárom até à data dar início às atividades programadas, gerando graves consequências de ordem económica e social à província", assinala o decreto assinado polo governador Beder Herrera, que é tanto kirchnerista como menemista.
A presidenta Cristina Fernández é umha firme impulsionadora da megamineraçom a céu aberto como forma de impulsionar o desenvolvimento -falido- da naçom.
"Isto todo passou logo da repressom que sofremos em maio, quando umha patota nos atacou por manifestar-nos contra Beder Herrera; depois de que a mulher de um polícia foi deslocada da nossa vila por apoiar a luita antimineira; depois de um ano e meio de corte para impedir a passagem da mineira", explica Carina Díaz Moreno
"-Por que vam manter o corte, apesar o anúncio do decreto?
-Nom acreditamos nada de Beder Herrera. Quando era vice-governador impulsionou e aprovou umha lei contra a megamineraçom na província, que derrogou mal chegou ao poder. Hoje tenta que se instale a megamineraçom a céu aberto noutras regions da província, já que nesta vila nos opugémos. Nós exigimos umha lei provincial de proibiçom de exploraçom megamineira em toda a província. Queremos que renúncie a deputada Adriana Lima, que traiu Famatina e impulisionou esta atividade apesar da oposiçom de todxs nós. E queremos que voltem para Famatina os recursos que lhe fôrom tirados ao povo como forma de represália por parte do governador. Ao mesmo tempo, somos cerca de cinquenta cidadáns de Famatina processadxs pola justiça por luitar. Queremos que nos tirem essas causas. E por todo isso ainda nom vamos abandonar o corte."
Fontes da intendência de Famatina, cujo chefe se pregou à luita da cidade, confirmárom a derrogaçom do convénio com a Osisko Mining Company.
Famatina já expulsara a Barrick Gold [em 2007], aquela empresa instalada em San Juan, que conta com o apoio da presidenta Cristina Fernández. Hoje confirma-se que acabou com os interesses doutra megamineira, a Osisko Mining Company. É umha pequena vila perdida na cordilheira. Os seus habitantes deveriam ser considerados como um orgulho da naçom.
Umha nova vitória à qual há que somar a conseguida na vila de Esquel polo povo em luita, tal como já se explicou em Abordagem em maio deste mesmo ano.