Foto do Diário Liberdade - Manifestaçom nacional em defesa do galego em fevereiro de 2015.
O Diário Liberdade seleciona a seguir as 10 matérias sobr a Galiza que maior número de visitas recebérom no ano que termina. O efeito do tempo decorrido desde a publicaçom do texto foi adequadamente corrigido para medir com exatidom o impacto.
Em breve, serám publicadas também as listagens para as matérias internacionais, para além do Brasil e Portugal.
Eis as 10 matérias mais vistas no Diário Liberdade em 2015 sobre a Galiza:
10º. Maioria do Comité Central de Primeira Linha abandona o partido
O abandono da histórica formaçom independentista pola maior parte do seu comité central e o "Comunicado público à militáncia e base social da esquerda independentista" em que as pessoas saíntes explicavam a sua decisom recebeu grande atençom mediática, convertindo-se na 10ª matéria mais vista do ano no Diário Liberdade
9º. Massiva resposta nacional galega em defesa da língua
Vários milhares de galegas e galegos saírom dia 8 de fevereiro às ruas da capital para reclamar umha mudança de rumo nas políticas lingüísticas da Junta. O Diário Liberdade acompanhou a mobilizaçom e deixou-na refletida em imagens que disponibilizou numha galeria fotográfica.
8º. Um bom ‘mergulho’ no idioma: Verbos exclusivos de galego e português
Texto originalmente publicado no PGL em que Fernando Venâncio revisa os numerosos verbos exclusivos de Galego e Português. Até este momento o autor identificou 195. Por exemplo: Sabia você que o verbo mergulhar é exclusivo dos falantes de Galego e de Português?
7º. Continua mobilizaçom leiteira, com reivindicaçons já em vias de consecuçom
O Diário Liberdade acompanhou intensamente a mobilizaçom leiteira de setembro. O que na altura parecia aproximar o setor da vitória, demonstrou ser um engano do empresariado e a administraçom neoliberal espanhola para desmobilizar o setor, que se viu obrigado a tomar de novo as ruas em dezembro.
6º. As mentiras que nos contaram sobre o Reino de Galiza
Paulo Gamalho explicava no PGL que "é difícil imaginar uma tortura mais inumana que obrigar um rapaz de 12 anos a memorizar todos os reis da Espanha do último rei visigodo", e explicava como a finalidade dessa tortura é a inoculaçom da versom oficial da historiografia espanhola, mesmo com as suas mentiras e mitos.
5º. Independentistas livres e suspensom de atividades por 2 anos para Causa Galiza
A organizaçom independentista de esquerdas Causa Galiza sofreu umha paranoica e brutal razzia em finais deste ano construida sobre um delirante coquetel de atos políticos e acusaçons de terrorismo. Causa Galiza passou a ver suspensas as suas atividades durante os próximos dous anos, sem julgamento nem sentença que desse cobertura à dita suspensom.
4º. Compostela é fumigada massivamente com tóxico provavelmente cancerígeno, conforme OMS
Adega denunciou que o produto empregado massivamente em Compostela para roçar a vegetaçom do centro tem como princípio ativo o glifosato, com nível de risco "2A, provavelmente cancerígeno para humanos". Embora a legislaçom europeia restringe a aplicaçom em espaços frequentados polo público e deve-se evitar acesso peonil, o centro histórico da capital galega recebeu em plena primavera a aplicaçom do produto.
3º. Identidade lesbiana e imposiçom sexual no Cineclube de Compostela
Talvez, nunca um filme de um cineclube levantou tanto interesse. O anúncio dessa programaçom do Cineclube de Compostela chegou à terceira posiçom dentre os artigos mais vistos no ano que termina.
2º. Peso da indústria em queda na Galiza
A faturaçom industrial desceu 6% no início de 2015. Frente às mensagens da invisível recuperaçom, os dados confirmavam a tendência desindustrializadora que se vive na Galiza, com crescente peso dos serviços no contexto de umha crise generalizada que mantém o desemprego e a pobreza em níveis elevados
1º. Comité de Solidariedade considera um crime a morte do preso Borja Martín na Lama
O CSPP - O Comité de Solidariedade cxs Presxs Políticxs demonstrou o suspeitoso da morte de Martín na prisom galega. O preso "apareceu aforcado" segundo as explicaçons oficiais em março. Volvo, como era conhecido, era um preso ativo na cadeia, o qual, segundo o Comité, fai pensar em mais umha morte sem explicaçom nem pesquisa a respeito do acontecido.
O truculento dejà vu denunciado polo CSPP mereceu ser o mais visto em 2015 no Diário Liberdade.