No que foi um dos dous principais protestos que se vivérom ontem na Galiza (o outro foi a manifestaçom pola soberania nacional celebrada em Compostela), vários milhares de pessoas manifestárom-se ontem em defesa da sanidade pública da comarca de Trasancos.
A manifestaçom começou por volta das 12:00 na capital comarcal, Ferrol, para terminar na Praça de Armas. No manifesto deitou-se luz sobre algumhas das deficiências mais graves que sofre a comarca no que diz a respeito da atençom sanitária.
Fechamento de centros sanitários
Criticou-se que continue fechado "sem nengumha razom" o Consultorio Médico da Granha. Apesar de que o pleno municipal de Ferrol acordou por unanimidade demandar da Junta a reapertura imediata, o autarca, José Manuel Rei Varela (do PP), nom fijo nada nesse sentido.
Denunciou-se, ainda o recente fechamento do Consultório do Seixo em Mugardos, e que se está a considerar fechar os consultórios de Ferrol Velho, Maninhos, Pedroso, o Vale, Mera e Espasante, e também a supressom de Pontos de Atençom Continuada em pequenos municípios trasanqueses.
Para terminar, também se observou que em 2013 nom se destinou orçamento para a construçom do que deveriam ser os novos Centro de Saúde da Capela, Cedeira e Narom.
Galeria de fotos
A seguir oferecemos umha galeria com as fotografias enviadas por Susete ao Diário Liberdade. As imagens tenhem alguns direitos reservados (entrar aqui para mais informaçom).
Todas as fotos som de Susete - Alguns direitos reservados.