Espanhol-falante habitual, a Srta. Domínguez entrou na Cámara municipal depois de que a direçom do PP na Galiza forçasse a demissom de Conde Roa. A nova vereadora nada tem a ver com a normalizaçom do nosso idioma, mas, dado que Currás tivo que deixar o pelouro depois de ser nomeado presidente da Cámara, a nº 14 foi quem ocupou o seu cargo. Domínguez foi apresentada hoje numha conferência de imprensa polo autarca. Da sua intervençom destacamos duas questons: primeira, a edila utilizou só o castelhano. Nem sequer o emprego protocolário que caracteriza o resto do seu grupo municipal. Segunda, para além de generalidades, nem umha palavra respeito dos planos que poda ter –caso existam- para a promoçom do galego-português.
Continuismo
Dado que o mandato de Currás se anuncia continuista, a chegada de Rebeca Domínguez non anuncia nada bom depois de normalizar as comparecências institucionais do governo municipal em espanhol, a receçom em sede institucional à ultra Glória Lago, o boicote económico ao Correlíngua, a marginaçom do galego nas próximas festas da Ascensom, et caetera. A atual Cámara trabalha claramente para construir Espanha desde Rajoi. Umha vereadora de Normalizaçom Lingüística que tem o castelhano como língua habitual é umha peza mais nesse desenho coletivo.
O que esta situación der de si nos três próximos anos já é, de aqui para a frente, responsabilidade de todos e todas.
