Reivindicar e promocionar este LUGAR pola súa excelencia PAISAXÍSTICA e implicar ao Concello e gobernó local para que COORDINE coas demais Administracións públicas este PROXECTO e a consecución de Fondos Europeos son os obxectivos.
Esperan recibir resposta da petición de xuntanza co Alcalde de Fene. Informan que recibiron resposta dalgúns grupos políticos para realizar unha entrevista relativa a rehabilitación deste espazo público.
As e os convocantes convidan a toda a veciñanza a participar nesta concentración reivindicativa na Ribeira de Barallobre o vindeiro martes-27 ás 19 h. en Asemblea participativa e aberta.
PROPOSTA VECIÑAL- REHABILITACIÓN RIBEIRA DE BARALLOBRE -
Veciñ@s da Ribeira de Barallobre –Ribeiroa- expresamos a nosa queixa e preocupación motivado ao estado de abandono permanente nesta zona costeira da Parroquia de Barrallobre deste Concello de Fene. Estas instalacións de FONDOMAR S.L. foron unha antiga concesión, situadas no peirao de BARALLOBRE, retornando na actualidade a Administración de COSTAS.
A veciñanza da Ribeira de Barallobre sofren as consecuencias desta inoperancia das administracións e falta de propostas para este lugar, onde vívese unha situación de abandono e falta de PROXECTO para unha zona sensible da costa a cal conta con recursos naturais e marisqueiros propios baixo a administración da Confraría de Barrallobre que resulta un motor importante para a economía local.
Nosa PROPOSTA consiste en convertir esta zona nun ESPAZO VERDE ou PARQUE, asi como REHABILITAR este edificio para fins deportivos, servizos, sociais e culturais para a cidadanía. Consideramos que esta parte da Ría de Ferrol, Ribeira de Barallobre ten un particular e único valor PAISAXÍSTICO e MEDIO AMBIENTAL.
Estas antigas instalacións, ofrece a oportunidade de REHABILITACIÓN deste edificio para uso múltiples como hostelaría, zonas destinadas a albergar material de embarcacións tradicionais, naútico- deportivo, espazos para a participación cidadá. Este fin posibilitaría unha oferta cultural, deportiva e lecer para a xuventude e cidadanía nos deportes naúticos de remo, vela ou a recuperación das embarcacións tradicionais co obxecto de rescatar a tradición mariñeira.
Pedimos que a nova corporación municipal do Concello de Fene deberá COORDINAR coas administracións da Xunta de Galicia, Deputación Provincial de A Coruña, Autoridad Portuaria, proxectos europeos – UE - , un planeamento de REHABILITACIÓN para a RIBEIRA co obxecto de recuperar e revitalizar este espazo público nun exercicio de política municipal, consensuando cos responsables de COSTAS e administracións competentes as fórmulas necesarias para a consecución dun proxecto vital.
Aínda temos que soportar na Ribeira de Barallobre unha MURALLA arredor destas instalacións ruinosas, polo que consideramos este peche innecesario e inconveniente para este lugar e pedimos o seu derrube e abrir este espazo ao mar.
Esta proposta cidadá debe ser analizada en base a unha reflexión política sobre as posiblidades reais que ofrece este ESPAZO de inmenso valor PAISAXÍSTICO, MEDIO AMBIENTAL, DEPORTIVO e SOCIOCULTURAL co obxectivo de conseguir a transformación deste espazo privilixiado e incomparable nun lugar de encontro cultural e social para o Concello de Fene e a nosa Ría de Ferrol.
Seguiremos informando de nosas actividades e seguiremos a reivindicar as nosas demandas a través dos medios de comunicación.
Por todo isto, pedimos as Forzas Políticas e sociais un compromiso firme para conseguir a transformación deste lugar nun Parque ou espazo verde e a rehabilitación destas instalacións como lugar de referencia sociocultural, deportivo e lecer.
- Sr. Alcalde –Presidente - Concello de Fene.-
- Grupos Políticos – Entidades Sociais Concello de Fene.-
