Foto de Juan Antonio Patiño Méndez (CC by/2.0/) - Caminho nas Gándaras de Budinho.
O percorrido é circular, de dificultade baixa e realizarase coa axuda dun guía ambiental.
Sairase ás 10:00 h. do aparcadoiro dos observatorios das Gándaras de Budiño (O Porriño) onde tamén rematará a ruta en torno ás 14:00 h.
O itinerario será: lagoa e barreira de Orbenlle, turbeira do Cerquido, turbeira de Albelos, Ribadelouro, bosque de ribeira do Louro e lagoa de Orbenlle.
Entre os valores naturais que alberga a Zona de Especial Conservación “ZEC Gándaras de Budiño”, destacan os hábitats prioritarios como as turbeiras, os bosques de ribeira e hábitats de interese comunitariao como as breixeiras húmidas, que albergan unha gran biodiversidade. Destacan as poboacións de varias especies moi ameazadas e cunha área de distribución moi restrinxida en Galicia como o sapoconcho común (Emys orbicularis), o charneco (Anas crecca) que atopa nas Ribeiras do Louro o seu único punto de cría regular na Península Ibérica, o caracol Elona quimperiana, a vacaloura Lucanuscervus e o capricornio Cerambyx cerdo.
Para chegar hai varias alternativas:
. en bus, coller o ATSA Vigo-A Guarda na estación de buses de Vigo ás 09.30 (saír na parada da saída 21 “Gándaras Sur” da autovía A-55 Vigo-Tui)
. en bus, coller o ATSA A Guarda-Vigo que pasa por Tui ás 09.40 (saír na parada da saída 21 “Gándaras Sur” da autovía A-55 Tui-Vigo) - Consultar horarios detallados en http://www.verdegaia.org/images/Vigo-AGarda-ATSA.pdf
. en coche, coller a saída 21 “Gándaras Sur” da autovía A-55 Vigo-Tui
*Trátase dunha actividade gratuíta e aberta a tódalas persoas interesadas. Cada participante é responsable único das súas accións e accidentes que puideran producirse. Os convocantes da actividade non se responsabilizan a nivel persoal nin colectivo dos accidentes que podan ocorrer.
