Foto das Figueiras em 2014.

O blog 'As Figueiras em branco e mouro' é gerido polo escritor Moncho Martínez Castro, das Figueiras, na comarca galega do Eu-Návia.

O novo espaço em galego, que usa umha normativa que aproxima a expressom escrita da usada para o idioma das vizinhas Astúrias, tenciona ser "umha pequena contribuiçom", tal como ele próprio se apresenta, para nom esquecer as histórias que diferentes documentos gráficos históricos contam sobre a comarca eu-naviega.

As duas primeiras entradas do Figueiras em branco e mouro apresentam planos das diferentes alternativas que em finais da década de 1920 se considerárom para a construçom de umha ponte dos caminhos de ferro sobre a Ria do Eu. Os planos das diferentes alternativas desenhadas polo prestigiado engenheiro civil castelhano Eduardo Torroja som comentados no blog de Martínez Castro.

Umha segunda entrada apresenta umha coleçom de fotografias aéreas tomadas entre 1945 e 2014 - incluíndo imagens do famoso 'vóo americano' que fotografou toda a Galiza em finais da década de 50 - nas quais é patente o efeito da atividade humana veiculada através do capitalismo selvagem no meio ambiento, nomeadamente na circulaçom de sedimentos e configuraçom da linha costeira.

O novo espaço na net está em http://asfigueirasbrancoymouro.blogspot.com e alarga o espaço de blogs na comarca do Eu-Návia, onde os e as falantes de galego-português tenhem umha desproteçom quase absoluta.