Assim é que tanto o estudantado do ensino universitário como do ensino médio secundarom de jeito massivo a greve e participarom das distintas manifestaçons e concentraçons nas cidades e vilas galegas. Mobilizaçons nas que deixamos clara a nossa postura respeito do modelo educativo, que passo a passo, está a implantar o governo de Espanha no nosso País, um modelo que profunda na privatizaçom e mercantilizaçom, na espanholizaçom e na introduçom duns roles de género patriarcais.

A esta jornada de protesta e luita do estudantado, Espanha voltou respostar do único jeito que sabe, com repressom, convertendo a nossas ruas num estado policial, sobretodo nas cidades de Vigo e Compostela. Começando já a manhá com identificaçons e todo tipo de impedimentos aos que já nos tenhem acostumad@s as forças repressivas.

Desde AGIR, achamos que de novo, o estudantado galego, mostrou-lhe ao Estado que a Galiza nom é a naçom onde implantar as suas medidas, que ainda berramos com viva voz contra qualquer ataque que Espanha nos mande. Mas a luita nom queda aqui, desde AGIR seguiremos aportando o nosso grao de areia na luita contra as atuais políticas educativas e na conquista de um outro ensino, numha Galiza ceive, socialista e feminista. Objetivos que só mediante a auto-organizaçom estudantil acadaremos.

Parabéns ao estudantado galego!

Por um ensino galego, publico, democrático, antipatriarcal e de qualidade!