Galiza - PGL - O programa Recendo da estaçom de rádio corunhesa Cuac FM entrevistou há uns dias Eduardo Maragoto, vogal da Associaçom Galega da Língua. A entrevista, de 40 minutos, girou em torno do ideário da AGAL e o reintegracionismo, explicado a um público amplo e tentando fugir das tópicas acusaçons que se tenhem dirigido os partidários das diferentes normativas ao longo de décadas de guerra normativa.
Nesta ocasiom, o programa começa com notícias socioculturais e com a agenda dos atos programados na Corunha e no resto do país na semana, para transitar para a entrevista, que se debruça sobre as razons polas quais o galego e o português ainda estám a percorrer caminhos desencontrados, a relaçom dos neofalantes com o reintegracionismo ou os partidos políticos com a língua, sem esquecer a variada oferta de cursos que disponibiliza a associaçom. Recendo também contou neste programa com a colaboraçom de Fran Rei.
Recendo é produzido pola Agrupaçom Cultural Alexandre Bóveda e emitido desde há anos todas as terças-feiras das 19h às 20h.
Ligaçom ao programa completo
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.
