Foto de Brocco (CC by-sa/2.0/) - A violência machista pode chegar muito além dos ataques verbais, mesmo ao assassinato.
Esta institución universitaria tense negado, diante das reiteradas denuncias internas realizadas, a investigar e, de ser o caso, a abrir un expediente disciplinario a un funcionario que envía mensaxes que a mesma Comisión de Igualdade da Universidade de Vigo recoñece que son un atentado á dignidade das mulleres e un ataque contra as traballadoras e as estudantes da institución.
Como manifestaron no seu momento a Valedora do Pobo, o Consello Municipal da Muller de Vigo e diversas organizacións sindicais e políticas (STEG, CIG, Anova), as mensaxes deste funcionario son unha manifestación intolerábel de discriminación sexual e infrinxen o I Plan de Igualdade da Universidade de Vigo ou a Lei Orgánica de Igualdade 3/2007, entre outras moitas normativas.
A sentenza afirma que as/os tres demandantes non están lexitimadas/os para anular unha decisión da administración pública, malia que esta non investigase se tales mensaxes presentaban as mulleres como seres inferiores e cousificados. STEG considera que esta decisión é sumamente grave nunha institución de ensino superior.
Só a Universidade de Vigo e este xuíz (maxistrado do Xulgado Contencioso Administrativo nº 1 de Vigo e colaborador do Departamento de Dereito Privado da Universidade de Vigo) cren que as traballadoras e os traballadores non están lexitimadas/os para denunciar comportamentos que STEG considera inaceptábeis e que agravan as desigualdades existentes entre hombres e mulleres.
Esta resolución xudicial non firme revela as dificultades que teñen as traballadoras e os traballadores para conseguir que a administración pública asuma os valores de igualdade como un eixe que abranga tamén as/os que detentan o poder ou as/os que se favorecen interesadamente del.