A denúncia fai referência à entrada no dia 23 de novembro de 2011 de um gaseiro na ria de Ferrol, em direçom à central gasista de Reganosa, e que voltou a sofrer umha incidência, tendo que suspender a primeira tentativa de acesso, para voltar a iniciá-la posteriormente até chegar a aceder ao interior da Ria.

O Comité explica no seu texto de denúncia que desde que Reganosa começou a sua atividade já vam contabilizadas 26 operaçons frustradas devido às condiçons metereológicas e à singularidade da entrada da ria de Ferrol, o que é motivo de risco de acidente por parte de uns barcos carregados de umha mercadoria perigosa para a populaçom.

Na denúncia relatam-se diferentes incumprimentos legais e exige-se que se tomem medidas para que deixem de acontecer infraçons como essas, nomeadamente as relativas à segurança, e se apurem responsabilidades.