Em Cabana de Bergantinhos, a medida é a resposta à proposta de umha associaçom cultural, a "3 de maio", que propuxo a moçom, em base aos danos que a produçom e consumo de transgênicos produziria na saúde. Precisamente esta associaçom cultural negreirense, promoveu também há poucos meses processos análogos em Zas e Lage.

Ainda, a Cámara Municipal de Gondomar também declarou o concelho zona livre de transgênicos, por unanimidade, passado dia 28 de janeiro. No texto aprovado polo pleno municipal aponta-se que "nom está garantida a segurança" das manipulaçons genéticas das que som objeto os Organismos Geneticamente Modificados (OGM), e que o tempo demonstrou que "nom há benefícios para a humanidade, como se queria fazer ver desde a indústria biotecnológica".

Precisamente, a 28 de janeiro decorrera em Gondomar umha palestra sobre OGM, que tivo boa assistência e na que se verificou um claro interesse da audiência em voltar para modelos de agricultura ecológica.

Nos últimos tempos, vários concelhos galegos declarárom-se zonas livres de transgênicos. Além dos já comentados, Salzeda de Caselas é Zona Livre de Transgênicos graças à atividade que a Associaçom Treze Catorze desenvolveu nesse senso.

Também Infotransxénicos Tui vem de pedir ao pleno municipal desse concelho que declare a Zona Livre de Transgênicos, entre outras medidas.

Com informaçons da Plataforma Galega Anti-Transgênicos.

 

Foto: Dempeus per la Salut Pública.