Perante a nova fase de ataques e tentativa de atentado criminoso e golpista, denunciado polo Presidente Nicolás Maduro, a executar entre 12 e 13 de fevereiro deste ano, gorado pola inteligência revolucionária, no meio de umha feroz arremetida internacional contra a Revoluçom e os seus principais líderes por parte do império Norte-América e os seus lacaios no continente e no mundo.
Alertamos a comunidade internacional, os movimientos revolucionários e populares do Continente, que o assédio internacional tenta criar as condiçons para a justificaçom de umha intervençom estrangeira e possível levantamento armado de grupos de ultra direita venezuelana, com alguns militares cooptados para esses fins e inclusive com a participaçom de mercenários estrangeiros.
A agudizaçom da guerra económica e psicológica, imitando o plano que se aplicou ao Chile de Salvador Allende, gerando angústias na populaçom com açambarcamento, especulaçom e contrabando, originando umha grande escassez desde princípios de janeiro de 2015, nom tenciona outra cousa que irritar a populaçom e usá-la para um possível levantamento ou, no seu defeito, inibi-la para a defesa do processo.
As declaraçons de Obama e dos seus altos funcionários políticos e militares nas últimas semanas dam conta desta ofensiva acompanhada das grandes cadeias comunicacionais ao seu serviço, tanto nos EUA, como Espanha, Colômbia e em quase todo o mundo.
Perante este cenário, o Movimento Continental Bolivariano, alerta da execuçom de um golpe imperialista em desenvolvimento contra a Revoluçom Bolivariana e apelamos a todos os Capítulos, coletivos e povos da nossa América e o mundo para a denúncia e repúdio contra esta nova tentativa de acabar com o projeto bolivariano e ao mesmo tempo para a solidariedade por todas as vias possíveis com o bravo povo venezuelano, o seu governo e os seus dirigentes.
Apoiamos firmemente o Presidente Nicolás Maduro, os seus dirigentes, o PSUV e o Grande Polo Patriótico na sua luita contra a conspiraçom fascista e imperialista.
Estamos seguros que conseguirám derrotar umha vez mais as forças reacionárias que tentam retrair a história na Venezuela Bolivariana de Hugo Chávez.
Apelamos à UNIDADE bolivariana e anti-imperialista frente a esta nova batalha pola dignidade, a Pátria Grande e o Socialismo!
Narciso Isa Conde, Coordenador da Presidência Coletiva
Carlos Casanueva Troncoso, Secretário Executivo,
Movimiento Continental Bolivariano (MCB)
Caracas, 16 de fevereiro de 2015