Galiza - Causa Galiza - Causa Galiza mobilizará-se neste 17 de maio junto a milhares de galegas e galegos para denunciar o processo de substituiçom lingüística que impulsiona a administraçom galega e reivindicar, como ótimo instrumento para conquistar a hegemonia social do nosso idioma, a construçom dum Estado próprio que sustente, promocione e faga irreversível o processo de plena reconstruçom e normalizaçom da nossa língua nacional.
Para além da resistência quotidiana em defesa do Galego, agudizando o conflito lingüístico, impulsionando projetos que possibilitem viver na nossa língua, desputando terreno ao espanhol e denunciando a farsa do bilingüísmo harmónico e a convivência lingüística -subterfúgios sob os que se desenvolve o processo de substituiçom-, Causa Galiza valoriza que a meio e longo prazo só a disponibilidade dum Estado independente permitirá a salvaçom da idioma deste país e o aproveitamento de todas as possibilidades que oferece ao Galego ter a condiçom de língua internacional.
Foto: Causa Galiza
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.
